Nipisat suaannik tunisineq ingerlalluarpoq
Maannakkorpiaq tunineqarsimapput suaat 119.897 kiilut aamma nipisat aalisakkat (timaat) 24.326 kiilut Nuummi, Maniitsumi Napasumilu katillugit, Atammimmut suaat 72.262 kiilut, Kangaamiunut suaat 30.033 kiilut. Maannakkorpiaq aamma Ikerasaarsuk suaat 7.295 kiilut, Kangaatsiamut suaat 1.948 kiilut aamma Niaqornaarsummut suaat 182 kiilut tunineqareersimapput.
2012-imut assersuusiussagutta kisisitsisit suaat 58.187 kiilut, aammalu nipisat aalisakkat (timaat) 35.288 kiilut Nuummiinnaq tunisaasimapput.
- Nipisanniarneq ingerlaleruttorpoq, ukiorlu manna nipisat suaannik tunisineq ingerlalluarpoq. Imaassinnaavoq nipisannik aalisarneq Kujataani Qeqqanilu uniaanerujumaartoq, tassami nipisaat ukioq manna takkutiaarnerunikuupput. Taamaattumillu siornamut naleqqiullugu ullut 14-it siusinnaarnerullutik avannaani takkussinnaanerat ilimanarsinnaavoq. Piffissap tamanna takutikkumaarpaa, aammattaaq nipisanniarneq taamaatippat takujumaarparput ukioq manna nipisaat suaannik amerlanerusunik pisisimanerluta, oqarpoq Møller Lyberth, Royal Greenlandimi ingerlatsinermi ingerlatsisoq.
Maannakkorpiaq nipisat suaannik tunisioraasoqarpoq sumiiffinni ukunani: Narsaq, Paamiut, Qeqertarsuatsiaat, Kangaamiut, Atammik, aamma Napasoq, Maniitsoq Nuuk. Sumiiffinni pingasuni pineqartuni tunisioraaneq Nuummut ingerlanneqarpoq. Avannaani Kangaatsiaq, Niaqornaarsuk Ikerasaarsullu.
- Maniitsumi aalisartut peqatigiiffiata MAPP-ip marts 2013-imi kaammattuineratigut Royal Greenlandip kilisaateeraq aprilimi nipisat suaannik Maniitsumit, Napasoq aqqusaarlugu Nuummut assartuitilerpaa. Ittut siullermik Maniitsumut pivoq7. april kilisaateeqqamullu tunisisoqareermat aqaguani Napasuliarpoq Atammimmullu, kingornalu Nuummut uterluni 9. april nappartat 64-it missaat usigalugit. Taamatgut Ittut nipisanniarnerup taamaatinnissaanut uteqattaassaaq, oqarpoq Siiva Amondsen, Royal Greenlandimi aalisarnermut siunnersorti.
