Nipisanniarfiit arfineq marlunngortinneqartut

Nunatta Kitaa tamarmi nipisanniarnissamut akuersissuteqarluni siornatigut nipisannik aalisarfigineqarsinnaasarpoq, Kitaanili inuussutissarsiutigalugu nipisat suanniarfigineqarsinnaasut, sumiiffiit pisassinneqarsimasut, maannakkut arfineq marluupput.

AAMMA ATUARUK Kujataani nipisanniarneq marlunngorpat aallartissaaq

Sunngiffimmi aalisartut tuniseqqusaannginnerat, namminnerli nerisassaminnik aalisarsinnaatitaanerat Naalakkersuisoqarfiup erseqqissaatigaa, matumanilu nalunaarut septembarimi 2016-imeersoq innersuussutigalugu.

AAMMA ATUARUK Nipisaat 1300 tonsit ukioq manna aalisarneqarsinnaapput

Naalakkersuisoqarfiup aamma erseqqissaatigaa inuussutissarsiutigalugu aalisartut qinnuteqareernermikkut akuerineqarsinnaammata nipisannik pisassiiffigineqartup avannaatungaani kujataatungaaniluunniit, nipisannik pisaassiffigineqarsimasuni, aamma nipisanniarsinnaammata.