Kujataani nipisanniarneq marlunngorpat aallartissaaq
Nipisat suanniarneq upernaap ilisarnaataasa ilagivaat. Massakkullu upernariartulerpoq.
Allattoq Karsten Sommer
apriilip 09-at 2018 07:49
Nutserisoq Paninnguaq Steenholdt
Ikerasassuarmit Qarsaalik tikillugu nipisanniarneq marlunngorpat apriilip qulingani aallartissasoq, Namminersorlutik Oqartussat nalunaarutigaat.
Kitaanut pisassiissutigineqartut katillugit 1.300 tonsiupput, taakku sumiffinni aqutsiveqarfinni arfineq marluusuni aalisarneqarsinnaapput.
AAMMA ATUARUK Nipisaat 1300 tonsit ukioq manna aalisarneqarsinnaapput
Aqutsiveqarfinni ulloq tunisiffigineqarsinnaasoq maajip 23-anut killeqarpoq, pisassiissutigineqartut nungoreersimanngippata.
Pisassiissutigineqartut nunguppata nalunaarutigineqassaaq.
Aqutsiveqarfinni pisassiissutit nungunneqanngitsut aqutsiveqarfinni allani aalisarneqarsinnaanngussapput.
