Nipilersortartut tapiiffigineqarnissaminnik qinnuteqarsinnaanngorput
Nipilersornermik suliniutinut Grameximit tapiiffigineqarnissamik qinnuteqarnissamut piffissanngoqqippoq.
Allattoq Camilla Dam
februaarip 01-at 2016 13:27
Nutserisoq Marie-Kathrine Barlaj Lyberth
Piginneqqaartussaatitaaffinnik suliniaqatigiiffik siuarsaanermut atugassanut ukiumoortumik aningaasanik agguaasarpoq.
Kalaallit nipilersortartut 17-it Grameximit siorna 188.900 koruuninik nuannaarutigaat.
Qinnuteqarfissaq kingulleq marsip 16-iani killeqarpoq. Kingorna naliliisussat tassaapput Julie Berthelsen Leif Immanuelsennilu taakkulu Gramexip siulersuisuinut innersuussissapput.
Makkununnga qinnuteqarsinnaavutit immiussinermut, saqqummersitsinermut nipilersukkavillu nittarsaannissaannut, kiisalu ilinniarnissamut angalanissamullu tapiiffigineqarnissamut.
Siorna tapiiffigineqartut:
- Meeqqat erinarsoqatigiit peqatigiiffiat MEI – meeqqat erinarsortartut 13-it meeqqat erinarsoqatigiit naapisimaarnerannut Norbusangimut peqataanerat
- Lana Hansen & Ole Kristiansen – immiussinermut
- Juaaka Lyberth – isiginnaagassiamut nipilersornertalimmut 'Nunaga'
- Nanook – Nunatsinni tusarnaartitsinerit
- For Akia – Akisuanerit Festivalimut peqataaneq
- Small Time Giants – saqqummersitamik nittarsaassinermut siammarterinermullu
- Knud Seblon – Nunatsinni tusarnaartitsilluni angalanissamut
- Pattattartut peqatigiiffiat Noqartilik – pattannermik ilinniartut arfineq-pingasut Finlandimi pattannermik pikkorissarnermut peqataanerat
- Mika Martin Fleischer – New Yorkimut paasisassarsiorluni angalaneq
- Qarsoq – immiussinermut
- Ilulissani Erinarsoqatigiit – erinarsoqatigiit naapisimaarnerinut angalanermut aningaasartuutinut
- The Northern League – EP-mik immiussinermut
- Ida Heinrich & Josef Lund Josefsen – Nunatsinni angalanermut
- Silbat Kuitse – promo-cd-mik immiussinermut
- Hanne Saandvig Immanuelsen – Nuummi nipilersortartunik tikeraartoqarluni tusarnaartitsineq
- Nina Kreutzmann Jørgensen – nunani avannarlermiunik suleqateqarluni cd-mik saqqummersitsineq atuakkallu "Identitet"-ip suliniutigineqarnera
- Pilu Skifte Grønvold – immiussinermut
