Nipilersortartunut nersornaatit Sisimiuni tunniunneqassasut

KODA-p nersornaasiuttagaanut,  ukioq manna nersornaammut aamma isumalluarnartumut nersornaammut, piukkunneqartut saqqummiunneqarput..

Nipilersortartut kattuffiat tusagassiorfinnut taama nalunaaruteqarpoq.

2019-imut nersornaammut innersuunneqartut tassaapput Don Maliko - Malik Egede, saqqummersitani ’II’ pillugu, Yenso - Jens Ole Nathanielsen, saqqummersitani ’Perserartoq’ pillugu kiisalu Nick Ørbæk, saqqummersitani ’Saappara’ pillugu.

2019-imilu isumalluarnartumut nersornaammut innersuunneqartut tassaapput Sound of the Damned, Malu Rohmann aamma Hans-Ole Amossen.

AAMMA ATUARUK 22-årig vil skabe glæde med debutalbum

Kodap nersornaasiuttagaanut naliliisartoqatigiit tassapput: KNR-imeersoq Andreas Poulsen, AG-meersoq Noah Mølgaard, Katuameersoq Ejlert Knudsen kiisalu Nipilersortartut kattuffiannit NN-imeersoq Nukannguaq Geisler.

Koda Awards 2019 Sisimiut kulturikkut illorsuup Taseraliip inersuani arfininngornermi apriilip 20-ani na. 20.00-mit  pissaaq.