Nipangersaat
- Siullermik nuannaarpunga tusarakku sulisinnaajunnaarnersiat 11.000 koruuninik qaffanneqartut, paasilerakku qaffaat ukiumoortoq pakatsivunga, isumaqarama naammanngitsoq, Else Thorsen oqarpoq.
Else Thorsen suleqqusaanngilaq, taamaattoq meeqqani nerisassaqartinniarlugit napparsimavimmi unnuarsiortariqartarsimavoq, naak
sulisinnaajunnaarnersiani taamaaliornermigut annaasinnaagaluarlugit.
- Nalunngilara isertitat 4000 koruunit qaangerukkit sulisinnaajunaarnersiakka annaasinnaallugit, kisianni meeqqakka pissaqartinniarlugit taamaaliortariaqarsimavunga, aamma nalunngilara saniatigut isertitaqarnissamik killissarititaasoq ukioq manna qaangerlugu, taava kingunerisaanik soorunami sulisinnaajunnaarnersiakka millissapput.
Else Thorsenip meeqqani nerisassaqartinniarlugit pisattani naleqarsinnaasut uniniartariaqartarsimavai, sulisalinnginnerminilu meeqqanilu kaallutik innartariaqartarlutik.
Sulisinnaajunnaarnersiutit kingullermik qaffanneqarput ukioq 2003-mi. Ukiullu ingerlaneranni naalagaffiit aningaasaasa naleerukkiartorneranni pisartakkat malinnaatinneqarnatik.
- Sulisinnajaunnaarnersiat katillugit 5900 koruunit qaammammut inuuniutissaraagut, tassa atisassarsiniutissat nerisassarsiniutissat, qaqorsaatit inuuniarnermullu allanut atugassat.
- Assoruunnikooqaanga kinguaatoornikuullungalu, nuisitsisoqaraangat allatut ajornartumik atisanik pisattanillu atornikunik pisisarpunga, Else Thorsen oqarpoq.
