Nioqqutissanik pajuttoq kingulleq Tasiilamiit aallalerpoq
Taamaattumik Tasiilap quersuaani nerisassat asiujanngitsut piginissaat pingaartinneqarput:
- Yoghurtit asiuiasut immuillu nungujaartarput, Tasiilap umiarsualiviani pisortaq Gaba Kristiansen oqarpoq.
Naatitat Tasiilami aamma pisiariumaneqartorujussuusarput. Iipili ataaseq maannakkut 4 koruuni 50 øreqarpoq, ukioraangalli 6 koruunimik akitsortarluni.
Pissutsit iluarsiiviginiarlugit Inatsisartut siulittaasuat Josef Motzfeldt, siunersuuteqarpoq Tunu Islandimit pilersorneqartalissasoq.
Nunat Avannarliit Killiit aggustusimi ataatsimiinneranni tamanna siunnersuutigineqarpoq.
Islandimit Tunup pilersorneqartarnera misilittagaqarfigineqareerpoq.
- Oqaatigineqarsinnaanngilaq Islandimiit tikisinneqartartut akikinnerusut. Iipili ataaseq eqqaasakka malillugit 10 koruunit missaanik akeqartarpoq akisunerunngikkuni, Gaba Kristiansen oqarpoq nangillunilu:
- Isumaqarpunga Islandimiit pilersorneqalernissarput pitsaanerulersitsissasoq. Ålborgiminngaanniit aamma pilersorneqarnerput ingerlaannartariaqaraluarpoq. Nioqqutissammi akikillinissaat ilimaginngilara.
Tasiilap umiarsualiviani pisortaq Gaba Kristiansen oqarpoq.