Nini Tessing akiuuttuarsinnarpoq

Kræftimik nappaatilimmut napparsimmavimmi uningasumut Nini Tessingimut, KNR-imit piffissami sivitsortumi malinnaavigineqartumut, piffissaq immaqa sivisujunnaarpoq.
Allattoq Niels Krogh Søndergaard, Nutaarsiassaqartitsivik / Nyhedsredaktionen
juulip 29-at 2013 04:49

22-nik ukiullip Nini Tessingip peqqissusia nakorsat neriuuteqarfigivallaanngilaat. Amerikamiumit nutaamik patiliinissaq pilersaarutit naapertorlugit pisimanngilaq, aamma kemortinnera kingulleq iluatsippallaarsimanani.

Nini Tessing qanigisaalu kræftimit eqqugaasunut tapersersuiniarluni suliniuteqarnermi piffissami kingullermi peqataatinneqarluarsimapput.

Nini Tessing kræftimik nappaatiminut atatillugu sisamariarluni katsorsartinnermini ilungersunartumik atugaqaraluarluni akiuuppoq. Tamatumunngalu takussutissaalluarluni katsorsarneqarnermi nalaani ilinniarnertuunngorniarnini naammassigamiuk.

Nini Tessingip inuunerani ullut imaluunniit sapaatit akunneri qassit sinnerunnersut, nakorsat maanna ilisimanngilaat. Taanna Rigshospitalimi immikkoortortamut allamut nuunneqareersimalerpoq, maannalu ilaquttaminik ikinngutiminillu inuulluaqqusisarnini aallartissimallugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq