Nikoline Ziemer kiserliortutut misigisimasimavoq

Sorlaat Partiata pilersitsisua Nikoline Ziemer Inuit Ataqatigiinnut ilaasortanngulerpoq. Sorlaat novembarimi 2007-imi partiinngortoq tallimanngorpat ataatsimeersuartoqarnerani matuneqassaaq.
Allattoq Najaaraq Egede
aggustip 03-at 2010 14:36

Nikoline Ziemer oqarpoq, partii pilersitani atorunnaarsinneqariarpat IA-mut ilaasortanngussalluni.

-Tallimanngorpat unitsissaaq. Uanga partiimut allamukarusukkama. Kisimiilluni politikkilerilluni ajorpoq. Oqimaappoq artornarpallaarmallu aalajangerpunga partiimut allamut nuunniarlunga, oqarpoq.

Sorlaat partiiat 2007-p ukiuugaa aallartippoq.

- Partiimi suli ingerlagaluarpugut, ksianni inatsisartunut qinersinermi kingullermi isinngitsoorama. Taamaammat massakkut politikkimik sulialimmut allanut ilaasortanngorniarlunga. Uanga tarninnut aamma peqqinnarnerussammat, Nikoline Ziemer oqarpoq.

Sorlaat partiiata aallartitsisuatut kiserliortarsimaqaaq, misigisimavorlu parteeqatimi aalajangernini tapersersoraat.

- Qujanartumik tapersersorpaannga. Sorlaat Partiiat unitsiinnassaaq. Aalajangerama ajunngittorujuuvunga, nassuiaavoq.

Nikoline Ziemer Inuit Ataqatigiit Qoornumi sapaatip-akunnerata naanerani ataatsimiinnerani najuuppoq, assullu pissarsisimanerarpoq.

- IA-kkut ataatsimeeqatigigakkit nuannertorujuugamik. Takullugu qanoq sulisarnersut aamma isumaat qanoq innersut. Uannut tulluartorujuupput. Ilaasortanngussaanga, Sorlaat Partiiat tallimanngorpat unitsereerukku, oqarpoq.

Nikoline Ziemer, inatsisartunut siorna qinersinermi taaguunneqarnerpaat nr. 13-eraat. IA-mi ilaasortaanermi Nikoline Ziemerip suliassami ilaattut nunami innuttaasut qanimut suleqatiginerunissaat aamma ilinniartitaanerup qaffassarnissaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk