Niisarnat 600-t New Zealandimi tipisimasut
Niisarnat 200-t missaanniittut New Zealandimi arfininngormat unnukkut tipisimasut, oqartussanit nalunaarutigineqarpoq.
New Zealandip qeqertaata kujalliup avannarpasittortaani, niisarnanit 400-nit tallimanngormat aamma tippussaaffigineqartumi tamanna pivoq.
Nammineq kajumissutsimik ikioqataasorpassuit niisarnanik sapinngisamik amerlanerpaanik imaanut utertitsiniarlutik ilungersorput.
Arferit tallimanngornermi imaanut utertinneqarsimasut tippussaaqqinnissaat pinngitsoortinniarlugu ikioqataasut tasiorlutik uiguleriiaarlutik sineriak assersorpaat.
New Zealandimi pinngortitamut illersuinermut oqartussat, DOC-kkut, arferit qimaannassallugit seqerngup tarrinnerani aalajangerpaat, taarnerani immamiinnissaq ulorianarpallaassasorimmassuk.
- Immami taartumi aalisakkat qernertut. Taakku paperorsorpata inuk peerussinnaavoq, tamannalu paasineqanngitsoorsinnaalluni, aviisi New Zealand Herald naapertorlugu DOC-mi oqaaseqartartoq, Herb Christophers oqarpoq.
