Niels Thomsen: Natsama sorliup atornera immikkoortissinnaavara

KNI-p siulersuisuini siulittaasunngorlaaq, Niels Thomsen, aamma qaleranillit tunissassiorfimmi Halibut Greenlandimi pisortaavoq. Taassumalu nunatsinni pisiniarfiuteqarnerpaami siulersuisuni siuttuunermini sorlermik nasaqartassanerluni nalornisigisassanagu maanan neriorsuutiogaa.
Allattoq Niels Krogh Søndergaard, Jens Thorin
aggustip 29-at 2013 05:33

Tassalu Pilersuisup pisiarfiini qerititsivinni sunik pisiassaqarnersoq siulersuisut  akuliuffiginngisaagai.

- KNI-p iluani ingerlatsisut ulluinnarni ingerlatsisut ingerlatsineq tamakkiisumik ingerlatissagaat neriorsuutigisinnaavara, KNI-mi siulersuisut siulittaasortaavat, Niels Thomsen oqarpoq.

Tassalu Halibut Greenlandimeersumik siulittaasoqaleraluartoq, qaleraliit nerpiinik tassanngaanneersunik Pilersuisup pisiniarfiini pisiassaqassanersoq pisiassaqassannginnersorluunnik, sunniiniassanani nerioorsuivoq.

- Siulersuisut kiisalu ulluinnarni ingerlatsisut tamarmik asigiinngitsunik suliasasqarput. Aamma apeqquserneqarsinnaasusaanngilaq, taakkua assigiinngitsut sulinertik immikkoortillugu sulineraat imaluunniit ilaatigut susassaqarfitsik ilaatigut immaqalu atuuffissartik uniorlugu sulisarnersut, taamaattoqassanngilaq, Niels Thomsen neriorsuivoq.

KNI-mik piginnittut sinniisaat, naalakekrsuisut ataasinngormat pakatsisimaarput, ataatsimersuarnermi saqqummiuneqarmat, sinneqartorutit, ukiup affaanut naatsorsuutinik saqqummiussinermi neriusaarutigineqartuniit 75 millionit koruunit pallillugit ikinerusut. Suliffeqarfissuarli qanoq periuseqalerumaarnersoq Niels Thomsenip umaannakkugallartoq oqaluttariumanngilaa. Taamaliornissani siulersuisunik ataatsimeeqateqareernissaminut utaqqikkumavaa.

Aamma atuaruk