Niaqornat filmiliaraat
Sara Gavronip assiliisartullu David Katznelson-ip filmiliaat taaguuteqartoq "Nunaqarfik nuarsuup isuaniittoq ", London-imi film-it nittarsaanneqarneranni London Film Festival-imi qaammammi uani takuteqqaarneqassaaq.
Filmiliami Niaqornat inuunermut kajumissuseqalersitsinermik kissalaartumillu takutinneqarpoq.
Filmiliornermi nunaqarfimmi ulluinnarni inuuneq ukiumi ataatsimi affarmilu malinnaavigineqarpoq, nunaqarfiup ingerlaannarnissaanut pinngitsoorneqarsinnaanngitsup aalisakkeriviup ammaannarnissaanut innuttaasut ilungersornerat filmimi takuneqarsinnaavoq.
Filmimi takutinneqarpoq piniartoq Karl Kristian. Taassuma sikukkut aalisariarluni nannunniarlunilu angalasarnera kusanartumik avatangiiseqartoq filmiliarineqarpoq. Taassuma nunaqarfimmi innuttaasut piumassuseqarnerat takutippaa, aalisakkeriviup ammaqqinneqarnissaanut Niaqornarmiut Royal Greenland-illlu isumaqatiginniarnerannut suliniuteqarnerit ilagimmassuk.
Filmi akunnermik ataatsimik affarmillu sivisussuseqarpoq, tassani nunaqarfimmi innutaasut allat aamma filmiliarineqarput.
Niaqornat pillugu filmiliaq London-imi filmit nittarsaanneqarneranni London Film Festival-eqarnerani takuteqqaarneqassaaq. Filme-p suliarineqarnerani suleqataasut erseqqissarpaat, filmip oqariartuutaa Niaqornani pissutsisit kisiisa pillugit filmiliaanngimmat, nunarsuarmili inoqarfiit najugaqarfiillu avinngarusimasuni najugaqartut unammilligassaat pillugit aamma filmiliaammat, Sarah Gavron oqarpoq.