NFS: Suliniutit angisuut pillugit inatsit pitsaanerusinnaavoq
Nunat Avannaamioqatigiit Sulisartuisa Kattuuffiisa Suleqatigiiffiat, NFS, Nunani Avannarlerni 9 millioninik ilaasortaqartoq, Ilulissani ataatsimeeqatigereerlutik, suliniutit angisuut pillugit inatsit, decembarimi akuerineqareersoq, NFS-ip maanna sakkortuumik isornartorsiulerpaa.
Taakku isumaqarput, suliniutit angisuut sanaartornerinut atatillugu inatsit akuerineqartoq "Nunat Avannaamioqatigiit sulisoqarnermi periaasiannik" naammassinninnissaminut pingaarutilitsigut suli amigaateqartoq.
Periaaseq taanna malillugu sulisoqarnermi illuatungeriit akissarsiat suliffimmilu atugassarititaasut pillugit namminneq isumaqatigiinniartuqartussaasoq, NFS isumaqarpoq.
Nunat allamiut suliffeqarfiutaat Kalaallit Nunaanni aatsitassarsiornermi aningaasaliiniarlutik pilersaaruteqartut akuerineqarsinnaammata tamanna ajornartorsiuterujussuanngortoq, NFS-imit aamma isumaqarput, aamma sulisut nerisatik, najugaqarnertik angalanitillu namminneerlutik akilissagaat isumaqatiginangu.
Sulinermik Inuussutissarsiuteqartut Kattuffianni siulittaasup, Jess G. Berthelsenip erseqqissaatigaa, aatsitassat pillugit pitsaasumik inatsisiliornissaq angumerisinnaatillugu ajortortarisinnaasai iluarsinneqanngippata, tamanna ajortumik kinguneqarnerlorujussuarsinnaammat.
