New Zealandimi orpippassuit ikuallannerannit inuit 1.000-it qimagussorneqartut
Illoqarfimmi Christchurchimi innuttaasut 1.000-init amerlanerusut qimagussortinneqarsimapput illoqarfimmilu sukannersumik aqutsisoqarnissaa nalunaarutigineqarluni.
Allattoq Ritzau
februaarip 16-at 2017 08:09
Nutserisoq Simon Uldum -
Orpippassuani ikuallattoqarnerata illunut siaruaakkiartulersimanera pissutigalugu taamaaliortoqarpoq.
Ikuallanneq Port Hillsimi sapaatit-akunneranni uani aallartippoq sukkasuupilussuarmillu siaruaalluni, maannamullu nuna 1800 hektaritut angitigisoq eqqugaasimasoq, annaassiniartartut ilisimatitsissutigaat.
Premierministerip Bill Engliship pisussaaffini tamaasa unitsikkallarlugit pisut qanimut malittariniarlugit Christchurchiliarsimavoq.
- Pissutsit ilungersunartupilussuupput, David Adamson illoqarfiup upalungaarsimasuineersoq taama oqarpoq.
Politiit sakkutuullu inunnik qimagussortitsinissamik suliarujussuaq unnuaq ingerlappaat.
/ritzau/
