New Yorkimi pujornarfigitinneq unitsinniarpaat

New Yorkimi naatsiiviliarsuit ilaanni cigaretsimik ikitsilluni naammattoorneqaraanni 260 koruunit missaannik ullumikkumiit akiliisitaasalerput..
Allattoq Carla Davidsen
maajip 23-at 2011 13:15

New York nunarsuarmi illoqarfinni siullersanut ilaalluni imerniartarfinni, neriniartarfinni pisortallu suliffeqarfiutaanni ukiualuit matuma siorna pujortarnermik inerteqquteqalerpoq.

New Yorkimili naatsiiviliani 1.700-ini aamma sissani kilometerpassuarnik isorartussuseqartuni pujortarneq ullumikkumiit aamma tassa inerteqqutaalerpoq.

Pujortarfigitinnerup qanoq iliuuseqarfigineqarnissaa anguniagaavoq.

Misissuinerimmi nutaat takutippaat, New Yorkimi pujortarnaveersaarneq pillugu sukangasuunik inatsiseqaraluartoq, taamaattoq pujortarneq ajortut 57 procentiisa aavat nikotineqartorujussuusoq, USA-mi nuna tamakkerlugu kisitsit 45 procenti tassani qaangerneqarluni.

Nunarsuarmi tupa akiorniarlugu ulloritinneqartoq ukiormanna tassaavoq marlunngorneq maajip 31-at.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq