Nersornaammik piukkussat innersuussinnaanngorpat
Danmarkimi Inuit Pisinnaatitaaffiinut suliniaqatigiiffik nersornaasiisuussaaaq. Tamanna inunnut ataasiakkaanut kattuffinnulluunniit, inuiaqatigiinnut malunnaatilimmik suliniuteqarsimasunut tunniunneqartarpoq.
Nersornaasiineq nunatsinnut, Savalimmiunuttaaq aamma atuuppoq.
Ukioq kingulleq Inuit pisinnaatitaaffiinut nersornaaserneqartoq tassaavoq, Refugees Welcome-mi siulittaasoq Michala Clante Bendixen. Taannalu Danmarkimut qimaasut pisinnaatitaaffiinik suliniuteqarpoq.
Nersornaammut piukkutat kingusinnerpaamik oktoberip qulingiluaanut E-mailikkut csh@humanrights.dk-mut tunngavilersoriarlugit nassiunneqarsinnaapput.
Inuit Pisinnaatitaaffiannut nersornaaserneqartoq Decembarip qulinganni FN-ip Inuit Pisinnaatitaaffiisa ulluani suaarutigineqassaaq.