ASSIT Nerrivimmi arsaarartartunut dommerit Korea kujalliup aallartitaanit neriartoqqusaasut
Tassalu nerrivimmi arsaarartarnermi nunat tamat unammersuaarneranni dommeriusarpoq, qanittumilu nunarsuaq tamakkerlugu nerrivimmi arsaararluni unammersuarnermi Kinami ingerlanneqartumi dommeriuvoq.
Tamannalu Kalaallit Nunaanni nerrivimmi arsaraartartut kattuffiata - Greenland Table Tennis Federationip atorluarpaa.
Kalaallit Nunaanni nerrivimmi arsaarartartut dommerii dommerisarnerminnut uppernarsaatitik nutarterniarlugit Danmarkimi inuusuttut pissartanngortanngorniunneranni peqataappput.
AAMMA ATUARUK Nunaminerals akiliisinnaajunnarluni nalunaarutigineqarnissaannut Koreamiut ambassadøria malinnaavoq
Unamminerni taakkunani dommerit marluusarput. Nerrivimmi arsaarartartut dommeriat Bodil-Mona Frederiksen Paamiuneersoq, pissartanngortivinnerni dommeriunermini Korea Kujalliup Danmarkimi ambassadøria dommerioqatigivaa.
Nunatsinni nerrivimmi arsaarartartut dommerii Danmarkimeereerlutik ataasinngormat nunatsinnut uterlutik timmisartumi Koreamiut danmarkimi ambassadøriat naapippaat. Dommerit aamma nunatsinni nerrivimmi arsaarartartut kattuffianni siulittaasoq Emil Kleemann ambassadørimit nereqatigiinnissamut qaaqquneqarput.
Koreamiut aallartitaat Nuummi marlunngornermi nuannersumik nereqatigineqarpoq, Emil Kleemann oqaluttuarpoq, aappagulu Issittormiut unammiuaarnissaannut ambassadøri siunnersuuteqarpoq
Dommerit tallimassut tassapput Bodil-Mona Frederiksen, Pipaluk Serubabelsen, Leif S. Immanuelsen, Benjamin Grim aamma Julius Anike.