Neqip Kangerlussuarmi toqoraavik ammaqqikkaa
Kangerlussuarmi umimmannut tunitsiveqaqqilissaaq.
Kangerlussuarmi tunisassiorfik Neqi, KNI-mit pigineqartoq, ammaqqittussanngorpoq.
- Neqimiit nuannaarutigaarput umimmaap neqaanik nunatsinni pisisartunut aasap kingorna tunisassaateqaqqilernissarput. Tamanna Neqimut ilisarnaataalluinnarpoq, soorlu Neqi A/S-ip ilisarnaataani umimmak ersittoq.
-Neriuutigivarpullu Kangerlussuarmi umimmaap neqaanik siunissamissaaq pisiortortarsinnaanissarput, Neqi A/S-ip pisortaa Ole Vestergaard tusagassiuutinut allappoq.
AAMMA ATUARUK Neqi A/S-ip kommuni aalajaatsunik sulisoqarnissamik suleqatigissagaa
Tunisassiorneq ukiaanerani januaarip ulluisa 25-anniit februaarip ulluisa 23-ata tungaanut umimmanniarfiup nalaani pissaaq.
Neqi tunisassiornerup nalaani sulisussanik arfinilinnik Narsamiit Kangerlussuarmukartitsissaaq, Majoriaq Qeqqatalu Kommunia suleqatigalugit, aamma Kangerlussuarmi najugallit tallimat sulisorineqassallutik.
Umimmaat neqaannik aasaanerani tunisassiorneq Narsami toqoraavimmi pissaaq. Neqi A/S-ip nalunaaquttap akunneri suliffiusussat 5000-ussangatippat.
Piniartut KNAPK-p isumaqatigiissutaa naapertorlugu kilomut 37,50 koruuninnattassapput.