Neqaarnianngorniat Kalaallit nerisassaataannik pilerisaarilersut
Ilinniartut kalaallit nerisassiassaataanik Brugsenimi Pisiffimmilu nittarsaassissapput, niuertarfinni taakkunani pisiniat kalaallit nerisassaataannik misiliisinnaallutik, ilaatigullu savap neqaanik misiliisoqarsinnaajumaarpoq.
Nittarsaassinerup saniatigut ilinniartut Brugsenimi Pisiffimmilu nerisassanik mamartuliorfiit immikkoortuinik takuniaassapput.
Kommune Kujallermi Inuussutissarsiornermut Suliffeqarnermullu ataatsimiititaliap siulittaasua Kalistat Lund oqarpoq, Kommune Kujalliup nerisassanut tunngasut annertuumik suliniutigigai, kiisalu arlalinnik suliniuteqartoqartoq ineriartortitsisoqartorlu.
- Taamaattumik iluarisimaaqaarput ilinniartunut suliniutaasoq, taanna piginnaaneqarnerulernissamut aamma tunisassianik ineriartortitsinissamut perifissiimmat taamatuttaaq pingaarnerutillugu suliniummut, tamatumani pingaartinneqarpoq kalaallit nerisassiasaataannik atuinerulernissaq, Kalistat Lund oqarpoq.
Fabrikimi pisortaq Henning Sønderup, Neqi, oqaaseqarpoq: Neqimi tanngassimaarutigeqalugulu nuannaarutigeqaarpoq ilinniartoqarnermik suliniut. Ilinniarsimasunik sulisussarsiorneq ajornartorsiutigeqaarput, taamaattumik ilinniartunut suliniut siumut alloriarneruvoq pitsaasoq.
Ilinniartut kujataata nerisassatsialaanik Nuummi niuertarfinni ussassaarinissaasa saniatigut aamma angalanissaq nersualaarinninneruvoq ilinniartunut ilinniarnerminni suliaannut tunngatillugu, Hennig Sønderup Neqimi pisortaq oqarpoq.
