Demokraatit: Inuit aqqi pillugit nutaamik inatsisiliortoqassava?

Naalakkersuisut namminneq inuit aqqi pillugit inatsisiliornissamut maannakkorpiaq piginnaatitaanngillat, susassaqarfik ilaqutariinnut inatsiseqarnermut tunngasut ilagimmatigit, danskit inatsisiliorsinnaatitaanerannut atasut.

Doris J. Jensen, formand for kulturudvalget, opfordrer Naalakkersuisut til at nedsætte en arbejdsgruppe, der skal se på KNR's fremtid.

Allattoq Jonas Fievé

septembarip 08-at 2017 13:41

Nutserisoq Simon Uldum -

Randi Vestergaard Evaldsenip § 37 naapertorlugu apeqquteqaataanut akissuteqarluni ilinniartitaanermut, kultureqarnermut, ilisimatusarnermut ilageeqarnermullu naalakkersuisoq taama allappoq.

Uiusup nulialluunniit kinguliaa ullumi kinguliartaarineqarsinnaavoq, aterli taaguutaanngitsoq pineqarsinnaanngilaq, naak ateq taaguutaanngitsoq kinguliatut isigineqarsinnaagaluartoq, inatsillu taamaannera Demokraatit siulittaasuata apeqquserpaa.

Demokraatit siulittaasuata apeqqutigaa atit pillugit nunatta namminerisamik inatsiseqalernissaa sulissutigissallugu Naalakkersuisut pilersaarutigineraat.

AAMMA ATUARUK Nunatta taaguutaata allanngortinnissaa Naalakkersuisut pilersaarutiginngilaat

Doris Jakobsen Jensenip akissutimini innersuussutigaa siuliaqutit pillugit malittarisassat Inuit aqqi pillugit inatsisip Kalaallit Nunaannut atortussanngortitaaneranik peqqussummi 1986-imeersumi aalajangersarneqartut.

Ilinniartitaanermut, kultureqarnermut, ilisimatusarnermut ilageeqarnermullu naalakkersuisup aamma erseqqissaatigaa atinut tunngasunut malittarisassat nutarterneqarnissaannut pisariaqartitsisoqarsinnaanersoq misissussallugu naleqqutissasoq.

Demokraatit: Inuit aqqi pillugit nutaamik inatsisiliortoqassava?

Aamma atuaruk