Navalnyj toqunartutortinneqarsimasutut uninngareerluni angerlartinneqartoq

Navalnyj Novichokimik toqunartutortinneqarsimasutut Tysklandip illoqarfiisa pingaarnersaanni napparsimmavimmi ulluni 32-ni uninngareerluni angerlartinneqarpoq.
Navalnyj peqqissilluarumaartoq Tysklandimi nakorsat ilimagaat. Aleksej Navalnyj Novichokimik toqunartutortinneqarluni saassunneqarsimasoq, Tysklandimi nakorsat, Sverigemi Frankrigimilu nakorsanit tapersersorneqarlutik, inerniliuppaat. Assi © : Handout/AFP/Ritzau Scanpix
Allattoq Ritzau
septembarip 23-at 2020 07:50
Nutserisoq Mads Lynge

Ruslandimi naalakkersuisunut illuatungiliuttoq, Aleksej Navalnyj, Berlinimi napparsimmavimmi uninngareerluni maanna angerlartinneqarpoq. Tysklandimi aviisit ilaat Bild taama allappoq.

Navalnyj Ruslandimi Siberiami illoqarfimmit Tomskimit Ruslandip illoqarfiisa pingaarnersaannut Moskvamut ullut 32-t matuma siorna timmisartortilluni iluaallerpoq, toqunartutortinneqarsimasorlu paasineqarluni.

Navalnyj Berlinimi napparsimmavimmi Charitémi peruluttut inaanni ulluni 24-ni uninngavoq.

AAMMA ATUARUK Toqunartumik ineriartortitseqataasimasoq Putinimut illuatungilittumut utoqqatsertoq

Ruslandimi naalakkersuinermi pissaanillit toqutseriaraluarnerattut isikkoqarpoq, Ruslandimilu naalakkersuisut tamanna pillugu nassuiaateqarnissaat, Tysklandip piumasaraa.

Navalnyj peqqissilluarumaartoq Tysklandimi nakorsat ilimagaat. Aleksej Navalnyj Novichokimik toqunartutortinneqarluni saassunneqarsimasoq, Tysklandimi nakorsat, Sverigemi Frankrigimilu nakorsanit tapersersorneqarlutik, inerniliuppaat.