Toqunartumik ineriartortitseqataasimasoq Putinimut illuatungilittumut utoqqatsertoq
Vil Mirsajanov toqunarluinnartumik ineriartortitseqataasimavoq, Aleksej Navalnyj-llu toqunartoq taanna toqqutigingajaqqammerpaa.
![](/sites/default/files/styles/image_934x467/public/article_images/20200910-082043-l-1920x1368we.jpg?itok=4M-Ijfyx)
- Navalnyj qamannga pisumik utoqqatserfigerusuppara, toqunartumik massuminnga ineriartortitseqataaninni pinerlunnermut peqataasimagama, Novichokimik ineriartortitseqataasimasoq Vil Mirsajanov oqarpoq.
Allattoq Ritzau
Nutserisoq Mads Lynge
Sovjetunioniusimasumi immikkut ilisimatusarsimasup toqunartumik Novichokimik ineriartortitseqataasimanini, Ruslandimi illuatungiliuttumut Aleksej Navalnyj-mut utoqqatsissutigaa.
Vil Mirsajanov, Sovjetunioniusimasumi kemikeritut atorfeqarpoq. Toqunarluinnartumik taassuminnga ineriartortitseqataasimasutut nassuertut siulliit ilagaat.
AAMMA ATUARUK Navalnyj-p atorfilittaata Navalnyj-p imertugaa toqunartumik akuneqarsimassangatikkaat
Taanna Ruslandimi tv-qarfimmit Rainimit arfininngormat apersorneqarpoq.
Taanna Aleksej Navalnyj-mut apersorneqarnermini utoqqatserpoq.
- Navalnyj qamannga pisumik utoqqatserfigerusuppara, toqunartumik massuminnga ineriartortitseqataaninni pinerlunnermut peqataasimagama, Mirsajanov oqarpoq.