Navalnyj-p atorfilittaata Navalnyj-p imertugaa toqunartumik akuneqarsimassangatikkaat
Aleksej Navalnyj-p timmisartumi tiitugaa toqunartumik akuneqarani Sibiriami illoqarfimmi Tomskimi akunittarfimmi aggustip ulluisa 20-anni imertugaa toqunartumik akuneqarsimasoq, Aleksej Navalnyj-p atorfilittai ilisimatitsipput.
Navalnyj-p sulisuisa oqaaseqaatertik videomillu immiussartik inoqatinut attaveqaammi Instagrammimi saqqummiuppaat.
Navalnyj-p Tomskimi akunnittarfimmi inigisaa, inuttaata Tomskimiit Moskvamut timmisartortilluni perululereernerata kingorna misissortissimagitsik, Navalnyj-p atorfilittai allapput.
AAMMA ATUARUK Navalnyj oqaloqqissinnaalerpoq: ´Oqaasissai toqutseriarnermut akisussaasuusunut ulorianarsinnaapput´
Nittartakkakkut videomik immiussanik naatsunik siammarterivikkut, tassa YouTubekkut, sukumiinerusumik paasissutisseeqqikkumaarlutik, Navalnyj-p atorfilittai neriorsuipput.
Navalnyj Novichokimik toqunartutortitaareernermini Berlinimi napparsimmavimmi uninngavoq.
Ruslandimi politikerip illuatungiliuttup Berlinimi napparsimmavimmi siniffimmi issialluni assini inoqatinut attaveqaammi Instagrammimi sapaatit akunneranni uani saqqummiuppaa. Anersaartuuteqarunnaarsimallunilu.
Navalny Ruslandimut piaartumik uterusussimanerarpoq.