Navalnyj Moskvami parnaarussivimmit parnaarussivimmut allamut nuunneqarsimasoq
Ruslandip naalakkersuisuinut illuatungiliuttut siuttuat, Aleksej Navalnyj, Moskvami parnaarussivimmit sumiiffimmut ilisimaneqanngitsumut sisamanngornermi nuunneqarpoq.
Navalnyj-p illersuisui taama paasissutissiisut, nutaarsiassaqartitsivik AFP allappoq.
Sumut nuunneqarsimaneranik eqqartuussissuserisui ilaqutaaluunniit ilisimatinneqanngillat.
- Arlaannaannulluunniit oqartoqanngilaq sumut nuunneqarsimaneranik, eqqartuussissuserisoq Olga Mikhailova AFP-mut oqarpoq.
Navalnyjp pineqaatissinneqarnera aallartinneqarsimagunartoq, taassuma ilanngullugu oqaatigaa.
Navalnyj parnaarussivimmut (fangelejrimut ) nuunneqarsimasoq, pineqaatissinneqarsimaninilu tassani naammassissagaa, Moskavimi nakkutiliisutitat oqaaseqartittagaat russit nutaarsiassaqartitsiviannut Tassimut oqarpoq.
Sumorpiaq nuunneqarsimanersoq ilisimanngilara, oqaaseqartittagaq Jeva Merkatjeva oqarpoq.
AAMMA ATUARUK EU-p ministeriisa russit Navalnyj-mik parnaarussinerat pillugu pillarniaraat
Aleksej Navalnyj præsident Vladimir Putinimut isornartorsiusartuni nuimanersaavoq, taanna ukiut marluk affarlu parnaarussivimmiittussaavoq.
Moskvami politiinut sumiinnerminik nalunaaruteqarsimasussaagaluarpoq, taamaalineranili Tysklandimi illoqarfiit pingaarnersaanni napparsimmavimmut arlaleriarluni unitsinneqartarpoq.
Imminerminut unnerluutigineqartut politikkimik tunuliaqutaqartut, Navalnyjip aalajangiusimallugu oqaatigisareerpaa.
Moskvami aqutsisut nipangersinniarsarigaanni naalakkersuisullu peqquserluttuliornerannik misissuineranik unitsinniarneqarluni, nammineq isumaqarpoq.