VIDEO Natsersuarniarneq aallartippoq
Sikorsuit tikiukkaangata natsersuit illoqarfinnut qanillisarput. Taamaattumik kujataani piniarneq maanna aallartissimalerpoq.
- Nalliukkaangata sikorsuit suna tamarmi nuannersisarpoq, Lona Poulsen uinilu Nikkulaat ukiuni 25-ni natsersuarniartartuusut oqarpoq.
- Pilisaqaagut. Ippassaani ataaseq panereersoq angerlaapparput. Taava tasamunngarutta orsua suliarissavarput, orsulissuugut. Orsua ingerlatiinnavillugu peerlugu anngajaanngorlugu ujaqqamut iliorartarparput.
- Ukioq kaajallallugu ilaqutariilluta mamarsaatigisarparput, uaguinnaanngillat, aamma ilaqutta allat uagutsinnut pisiniartaramik, Lona Poulsen oqarpoq.
Natsersuup qallunaatut atia klapmyds tyskit oqaasiinit pinngorpoq, isumaqarlunilu klaphat- tassanilu natsersuit angutivissat qingaasaa kamakkaangamik pullattartoq pineqarpoq.