VIDEO Nassaartortup plastikki orsussanngortikkaa
Indiamiup nassaartortup plastikkinik eqqakkat orsussaliarinissaannut periaatsimik nassaarsimavoq.
Video file
Allattoq Ritzau
novembarip 07-at 2016 07:10
Nutserisoq Simon Uldum -
Sreejith Veettil Sreedharanip motorcykelini orsersorpaa, benzinali nalinginnaasoq atunngilaa. Plastikkinik eqqakkanik nammineerluni orsussaliorsimavoq.
Sreedharan ilisimatuujuvoq nassaartortuullunilu. Termokemi atorlugu ilaatigut puiaasaq plastikkiusoq orsussaliarisinnaavaa.
- Orsussaq uuliatut akuiagaanngitsutut ippoq, akuiarneratigullu benzinaliarineqarsinnaavoq, Sreejith Veettil Sreedharan taama oqarpoq.
India uuliamik akuiagaanngitsumik 200 millionit tonsinik ukiumut eqqussuisarpoq, tamatumalu peqatigisaanik plastikkinik ullormut 15.000 tonsinik eqqaasoqartarluni. Taamaammat periaaseq nassaarisimasaa aningaasarpassuarnik naleqaratarsinnaavoq.
Indiamiu ilisimatooq nassaani patenteqarfigilerumallugu oqartussaasunut qinnuteqaateqarsimavoq.
