Tunillatsissimasoq Kalaallit Peqqissartut illuanniinnikuusivoq.Assi: KNR / Malik Brøns

Narsaq: Covid-19-imik tunillatsissimasoq ataaseq paasineqartoq

Narsami innuttaasut tamarmik piffissami aggersumi maleruaqqusat tamarmik malinnissaat eqqumaffigissavaat. Namminersorlutik Oqartussat tusagassiuutinut nalunaarummi allapput.

Inuk ataaseq Danmarkimiit Narsamut tikissimasoq covid-19-imik tunillatsissimasoq paasineqarpoq. Pineqartoq nunatsinnut marlunngornermi februaarip ulluisa 23-anni tikissimavoq.

Pineqartoq Kalaallit Peqqissartut illuanniinnikuusimavoq.

Namminersorlutik Oqartussat tusagassiuutinut nalunaarummi allapput.

- Angalanerup nalaani Narsamilu attaveqarfigisimasat misissuiffigineqaleruttorput. Nakorsaaneqarfiup politiit suleqatigalugit tunillatsissimasup angalanermini attaveqarfigisimasai misissorpaat, Namminersorlutik Oqartussat allapput.

- Corona pillugu allattoqarfiup inuit attuumassuteqartutut angerlarsimaannaqqusaasut tamarmik angerlarsimaannarnissap sivisussusaanik misissortinnissamullu periarfissat pillugit ullup ingerlanerani attavigissavai.

AAMMA ATUARUK Københavnimi peqqissartut illuanni napparsimasut qanigisaasullu tallimat coronamik tunillatsissimasut

Nakorsaaneqarfiup angalasimasut, Kalaallit Peqqissartut Illuanniissimasut tamarmik ersiutinik malugisaqarnissamut immikkut eqqumaffiginninnissaannik tikinnerminniillu ullut tallimat qaangiunneranni misissortinnissaannik kaammattuuteqarfigai.

Matuma ataani maleruaqqusat uku immikkut eqqumaffiginiarneqassapput.

Narsami innuttaasut maleruaqqusat tamarmik, tuniluuttoqarsinnaaneranut annikillisaataasinnaasut immikkut eqqumaffigissavaat, ilaatigut uku:

- 2 meterinik ungasissuseqarit timikkullu attuinaveersaarit

- Errortorluartarnissat eqqaamajuk

- Ersiuteqaruit angerlarsimaannarit, aammalu misissortinnissaq siunertaralugu najukkanni peqqinnissaqarfik erngerlutit attaveqarfigiuk.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 21.610
  Tunillanneqarsimasut
31
  Peqqisseqqittutut nalunaarutigineqartut 31
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: Nunatsinni Nakorsaaneqarfik
  Nutarterneqarnera:
  apriilip 16-at 2021 nal. 12:45