Narsap eqqaani ujaarineqartut pingajuat ajunaarsimasoq nassaarineqartoq

Angutit marluk arnarlu ataaseq Narsamit Qaqortuliartillutik imaani ajunaarsimasut nassaarineqarput.

Narsap eqqaani annaassiniarnermi aangut arnarlu imaani ajunaarsimasut ippassaq nassaarineqarput, ujaarineqartullu pingajuat, angut, aamma ajunaarsimasoq ullumi nassaarineqarluni.

Politiit pigaartuisa pisortaat Søren Bendtsen KNR-imut taama paasissutissiivoq.

- Ujaarineqartut pingajuat ajunaarsimasoq aamma nassaarineqarpoq. Ippassaq nassaarineqartut marluk sømilit marluk ungasittuani ujaarineqartut pingajuat nassaarineqarpoq, taanna oqarpoq.

AAMMA ATUARUK Inuit marluk kujataani ajunaartut ataaserlu suli ujaarineqartoq

Ajunaartut angallataat aamma nassaarineqarpoq, angallatillu siuatungaani ajoqusersimasoq erserpoq, taamaattumik ikkarlissimanissaat sikumulluunniit aporsimanissaat ilimanarpoq, Søren Bendtsen nassuiaavoq.

- Apornerminni imaanut nakkarsimanissaat ilimagaarput, annanniarnerminillu ipisimanissaat ilimagaarput, Politiit pigaartuisa pisortaa oqarpoq.

Ajunaartut Narsarmiuupput 30-illu 40-llu akornanni ukioqarlutik.

Ilaqutaasut ilisimatinneqareerput.