Assi: KNR

Narsami innuttaasunut ataatsimiisitsinermi uran eqqartorneqarpoq

Kuannersuarni aatsitassanik piiaaffeqalissappat innuttaasunut qanoq sunniuteqassanersoq aarleqqutigineqarpoq, tamannalu Narsami innuttaasunut ataatsimiisitsinermi januaarip 26-ani ingerlanneqartumi eqqartorneqarpoq.

Aatsitassanut naalakkersuisoq Erik Jensen Narsami ataatsimiisitsimmat innuttaasut ilaat Mariane Paviasen peqataavoq.

Taanna Kuannersuarni piiaaveqalernissaanut akerliuvoq, peqatigiiffimmilu Urani Naamik - Narsami siulittaasuuvoq.

Nunalerinermit takornariaqarnermilu Narsami ineriartortitsinissaraluaq Kuannersuarni qanoq pisoqarnissaanik nalorninerup kingorna ineriartortitserusukkarluarnerit unittooqqallutik taanna oqarpoq.

- Narsaq eqqaatalu savaateqarfiit ilanngullugit ineriartornissaraluinik utaqqisarput unitsitsisuusoq aporfiisorlu tassaagami Kuannersuit. Nerisassat qinngornerillu uloriarnartut imminnut sanileriissinnaanngineri oqariartuutigaarput. Taanna Naalakkersuisunit assut paasitikkusunnaraluaqaaq Narsaq ineriartoruarsinnaammat, eqqaa ineriartorluarsinnaammat. Kisianni aporfituaq tassaavoq Kuannersuit, Mariane Paviasen oqarpoq.

Aarleqqutaasumullu naalakkersuisoq Erik Jensen ima akivoq:

- Innuttaasut toqqissisimajunnaartinniarlugit imaluunniit savaateqarnermut nunalerinermulluunniit pakkersimaarinninniarluta maanga (Narsaq aaqq.) tikeraanngilagut. Illuatungaani ineriartortitsinissaq assigiinngitsunillu tikkuussinissaq pillugu innuttasunik akuutitsinissaq pingaartikkatsigu ataatsimiisitsiartorpugut.

- Erseqqissaatigissavaralu Urani naamik narsami siulittaasuata Mariane Paviasenip oqariartuutai soorunami aamma Naalakkersuisuninngaanniit tusarnaaratsigit.

AAMMA ATUARUK Aatsitassanut suliniutit pillugit tusarniaassutit innuttaasunut paasititsiniutigineqalertut

Innuttaasunut ataatsimiisitsinermi Erik Jensen Inatsisartut inatsisaat saammarsaatigaa:

- Erseqqissaatigivaralu arlaleriarlugu aatsitassanut inatsimmi ”Paragraf 1. immikkoortoq 2: Pinngortitamut, avatangiisinut isumannaallisaanermut inuillu peqqissusaannut innarliisoqannginnissaanik” tassani erseqqarissumik allaqqasoqartoq.

Erik Jensenip innuttaasunik februaarimi ataatsimiisitsisaqattaassaaq, tassanilu naalakkersuisoqarfinnit arlalinnit immikkut ilisimasallit peqataassapput. Suliniutaasut avatangiisinut sunniutaasinnaasunut nalunaarusiat, VVM-imik taaneqartartut, innuttaasunullu sunniutissaanik nalunaarusiat VSB-mik taaneqartartut Naalakkersuisunit tusarniaassutigineqaraangata innuttaasunit qanoq peqataaffigineqarsinnaanera angalanermi ilaatigut paasititsiniutigineqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat