Aatsitassanut suliniutit pillugit tusarniaassutit innuttaasunut paasititsiniutigineqalertut
Suliniutaasut avatangiisinut sunniutissaanik naliliineq, VVM-imik taaneqartoq, innuttaasunullu sunniutissaanik nalunaarusiaq VSB-mik taaneqartartoq Naalakkersuisunit tusarniaassutigineqaraangata innuttaasunit qanoq iliortoqarsinnaanera angalanermi ilaatigut paasititsiniutigineqassapput.
Aatsitassanik Suliassaqarfinnut Avatangiisinut Aqutsisoqarfiup suliniutinut soqutigisalinnut paasissutissiissutaani ilaatigut atuarneqarsinnaavoq.
Kuannersuarni aatsitassarsiornissamut suliniut pineqarnersoq, tassami immikkut ilisimasallit februaarimi kujataanukassammata, aatsitassanut naalakkersuisup Erik Jensenip paasissutissiissutigerusunngikkallarpaa.
Naalakkersuisulli Greenland Minerals & Energymit piumasaqaatinut naapertuuttunik qinnuteqartoqarsimanngitsoq KNR-imut oqaatigaa.
Kuannersuarni suliniummi killiffik pillugu naalakkersuisoq Erik Jensen Narsami innuttaasut arfininngornermi januaarip ulluisa 26-anni ataatsimiisitsivoq.
Narsami innuttaasunik ataatsimiisitsineq Inatsisartunit ilaatigut kissaatigineqarmat taamatullu aatsitassarsiornermut suliniutinut innuttaasunik peqataatitsinissaq Naalakkersuisunik pingaartitarineqarmat ataatsimiisitsisoqartoq Erik Jensenip oqaatigaa.
