Naqitat naqiteriunnaarput

Nunarput suliffeqarfimmik ataatsimik annaasaqarpoq. Matumani pineqarluni naqiterisitsisarfik Naqitat A/S, akiliisinnaajunnaarluni matunerminik tusagassiuutinut ullumikkut nalunaaruteqartoq.
Allattoq Elisa Isaksen
apriilip 30-at 2012 11:46

Naqiterisitsisarfik sukkasuumik tunniussisinnaanerminik, aamma 64 procentit angullugit akinik appaasoqaraluartoq, nunatsinni nutaaliaasumik naqiteriveqarnissaanik soqutiginnittoqanngimmat matuinnartariaqalerpoq.

-  Naqiterivinnut nunani allaniittunut 20 imaluunniit 50-eriaammik uatsinnit anginerusunut, aamma sapaatip-akunnerani ulluni arfineq- marlunni ulloq unnuarlu suliffiusunut, Naqitani akigititavut sanillersuunneqartarput.

- Naqiteriviit tamakkua tamatuma kinguneranik appasinneroqisunik aningaasartuuteqartarput, nunatsinni pisisartut aallaavigalugit anguneqarsinnaanngitsunik, naqiteriviup siulersuisui taama allapput.

Naak ilungersoraluarlutik, aamma suliffeqarfippassuit suliassaatiminnik nunatsinnut nuussinissaminnik oqartaraluartut, suliassat nunatsinnut utersimanngitsut tusagassiuutinut nalunaarummi allapput.        

Taamaattumik nunarput suliffinnik 16-inik maanna annaasaqarpoq.

Naqitanit tusagassiuutinut nalunaarutertik naggaserlugu pisisartutik sulisutillu qutsavigaat. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq