Naqinnerup kukkusup Harperi Iqalunni illaruaatissanngortippaa
Harperip tikeraarnissaminut atatillugu tusagassiuutinut nalunaarutaani Iqaluit naqinnermik kukkusumik ataatsimik ilaneqarsimavoq.
Eqaluit isumaqarpoq sumiiffik eqaluppassualik. Allanneranili naqinnermik u-mik ilallugu allattoorneqarsimavoq, tassa Iquluit - inuktitut isumaqartoq sumiiffik "equllit" najugaqarfiat.
Nunavummiut arlallit quiatsattorujussuupput, allalli narrallutillu ajuallapput.
Ministeriunerulli kukkuneq suna tamaat atorlugu iluarsiniarsaraa, ministerinilu peqatigalugit ullup qeqqanut nerrinnerminni puisip neqitorput, ooqanngitsumik uutamillu. Tassani takutinniarpaat puisinniarneq nammineq ministerimilu tapersersoritsik.
- Puisinniarneq puisinillu pilanneq uullinerlu uumasunik suliaqartartunit allanit pitsaaneruvoq, aamma inatsisit malittarisassallu sukanganerullutik. Taamaammat puisinniartarneq europamiut assigiinngisitsinermik malitseqartittariaqanngilaat. Puisinniartarnermut uanga naalakkersuisukkalu tapersersuisuuvugut, tamannalu kikkulluunniit nalunngilaat, Stephen Harper erseqqissaavoq.
