Napparsimasut peqatigiiffiat: Meeqqanut tunngatillugu immikkut malittarisassaqartariaqarpoq

- Meeqqat nammineq oqalussinnaanngitsut akisinnaanngitsullu anniaatertik iluamik oqaatigisinnaaneq ajorpaat. Taamaammat pingaartorujussuuvoq taakku misissorluarneqarnissaannut malittariassaqartuuppat. Narsami pisimasumut tunngatillugu ajoraluartumik pisimanngilaq, Astrid Hansen Hard oqarpoq.

Narsami pisimasumut assingusumik pisoqaqqinnginnissaa Astrid Hansen Hardip neriuutigaa, naallu Narsami pisimasoq akisugaluaqisoq ilinniutigisariaqaripput taassuma aamma oqaatigaa.

Napparsimasut peqqinnissaqarfimmiit eqqunngitsumik pineqarsorisut peqqinnissaqarfimmut napparsimasullu maalaartarfiannut qanoq saaffiginnissanersut Napparsimasut peqatigiiffiannit siunnersorneqartarput.

Astrid Hansen Hardilu isumaqarpoq napparsimasut peqqinnissaqarfimmi atukkat pillugit isorinninnerusinnaasut:

- Narrusinnaavugut aamma taanna pisinnaatitaaffiusariaqarpoq, nunami taama piorsarsimatigisumi tamanna periarfissaajuartariaqarpoq. Namminersorneq atuutilereerpoq sunillu tamanik piumaffigineqalerluta, taamaammat nakorsiartarnerigaluit iluatsinngippata narrusinnaatitaasariaqarpugut, Napparsimasut peqatigiiffianni siulittaasoq Astrid Hansen Hard oqarpoq.