Napparsimasunut tunissutit

Aningaasaateqarfik Nuummi Napparsimasunut akunnittarfimmut koruuninik 40.000-inik aamma Københavnimi Napparsimasunut akunnittarfimmut koruuninik 40.000-inik agguaavoq, Aningaasaateqarfiup siulersuisuini siulittaasoq Karen Motzfeldt nalunaarpoq.

- Nammineq napparsimanermini Dronning Ingridip Napparsimmavissuani Nuummiittumi aamma Rigshospitalimi Københavnimiittumi, Jonathan-ip inuppassuit, angerlarsimaffitsik qimallugu ungasissumut katsorsartikkiartortartut naapittarsimavai. Tamakku inuit inuttut atugaat assut attortissutigisarsimavai, nassuiaavoq.

-Nappaammik eqqortissimagaanni ataatsikkullu ilaquttat qimattariaqarlugit, aammalu avatangiisit sungiussimasat, immikkut pingaaruteqarpoq, katsorsarfimmi uninnganeq sapinngisamik minnerpaamik inummut artorsaataassasoq, oqarpoq.

Taamaammat aningaasaateqarfimmi suilersuisut kissaatigaat, aningaasaliissutit aalajangersimasunut atorneqassasut, tassa nukittorsarnermut atortunut, aamma/imaluunniit qarasaasianut atortunut, uninngasut ilaquttanut ikinngutinullu attaveqarsinnaanerannut periarfissaqarnerunissaat pitsanngorsarniarlugu.

Jonathan Motzfeldt-ip aningaasaateqarfia aallartinneqarpoq 2006-mi Jonathan Motzfeldt-imiit siunertaralugu, ikiorsiiniarluni nalinginnaasut aammalu nalinnginnaasumik ikiuniuutinik siunertalik Kalaallit Nunaanni.

Jonathan Motzfeldt sivisuumik napparsimareerluni siorna oktobarimi toqukkut qimaguppoq.