Nanubørnip paasititsiniaanera nutaaq aallartippoq
- 2013-imi 2014-imilu Nunatsinni persuttaanerit 3.000-it pallillugit amerlatigisut nalunaarutigineqarput, taakkulu akornanni meeqqat 500-t arlaatigut akuusimallutik. Tamanna akuerisinnaanngilarput taamaammallu meeqqat taaneqartutut aqqusaagaqarsimasut qitiutillugit paasisitsiniaaneq "Ajunngila?" ingerlanniarparput, Krissie Winberg Berthelsen, NanuBørnimeersoq, oqarpoq.
"Ajunngila?"-mik qulequtserlugu paasisitsiniaaneq Katuami unnugu nalunaaqutaq arfineq-marlunut aallarnerneqassaaq, Katuamiillu Namminersorlutillu Oqartussat piorsarsimassutsimut tapiissutigisartagaannit, Tips & Lottomit kiisalu Nuna Fondenimiit tapersersorneqarluni.
Illoqarfinni allani aamma paasititsiniaasoqassaaq
Kristian Mølgaard isiginnaartitsisoralugu isiginnaartitsisoqassaaq nipilersortoqassallunilu, tassa Søs Fenger, Frederik Elsner aamma Malik Hegelund Olsen tusarnaartitsissagamik.
"Ajunngila?"-mik qulequtserlugu paasisitsiniaaneq Nuummi tassa ullumi aallartissaaq. Aasianni, Ilulissani Maniitsumilu sapaatip-akunnerata matuma ingerlanerani aamma paasititsiniaasoqassaaq.
