Nanuaraq toqunneqaratarsinnaavoq

Nanuaraq Qeqertarsuarmi Kangerluup eqqaanniittoq nunaqarfimmut qaninngoortuarsinnarpoq. Taamaaginnassappat toqunneqarneranik tamanna kinguneqaratarsinnaasoq, Namminersorlutik Oqartussat nalunaarput.
Allattoq Noah Mølgaard
marsip 22-at 2012 08:58

Namminersorlutik Oqartussat Kangerlummi kommunefoged ilitsersuutinik nassereerpaat nanuaraq nunaqarfimmut qaninngoortoq toqunneqartariaqalissappat qanoq iliornissaa pillugu.

Nanuaraq siullermik takuneqarpoq pingasunngorneq marsip 14-at. Qimaatinniarneqartarsigamagaluarpoq arlaleriarluni. Taamaattorli nanuaraq qaallorik nunaqarfimmut qaninngoorniartuarpoq.

Pinngortitaleriffimmiut siunnersuinerat naapertorlugu Namminersorlutik Oqartussat nalunaarput nanuaraq marlunnik ukioqannguatsiartoq, taamaassappallu imminut pilersorsinnaasariaqaraluartoq. Kisiannili tassa toqunneqartariaqalersinnaavoq inunnik qimminillu ulorianartorsiortitsissaguni imaluunniit imminut pilersornissamut nukangavallaassaguni.

Namminersorlutik Oqartussat maanna malittarisassanik ilitsersuutinillu kommunefoged-nut, piniarnermi nakkutilliisunut aamma politiinut nassiussuereerput nanuaraq toqunneqartariaqalissappat najoqqutarineqarsinnaasunik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq