Manasse Semsen Nanortalimmi pisumut: Oqaasertaleruminaappoq

Innuttaasut sapaatip akunnerata naanerani pisumut sunnertissimapput, angut 40-t qiteqqunneranni ukioqartoq aqqusinermi ilisimanngitsoq arfininngornerup ullaavani nassaarineqarmat.
Innuttaasut tamarmik sapaatip akunnerata naanerani pisumut killitsisimasut, Nanortalimi innuttaasoq Manasse Semsen oqarpoq. Assi © : Privat
Allattoq Jørgen Semionsen, Anders Dall, Marie Kûitse Kristensen
oktobarip 27-at 2020 12:47

-Nunaqqatigiiusugut tamatta taamaalilluta kalluarneqarpugut,taavalu neriuppunga ilaqutaasut tamarmik ajunnginnerpaamik kissaallugit ikiorserneqassasut.

Nanortalimmi innuttaasoq, Mannarsi Semsen oqarpoq.

Nanortalik 1.200-nik innuttaqarpoq, innuttaasullu pisumut killitsissimaqisut taanna oqaluttuarpoq. Innuttaasullu ataatsimoornertik takutinniarlugu ullumi oqaluffimmi qinoqatigiissapput.

AAMMA ATUARUK 18-it inorlugit ukiullit marluk Nanortalimmi toqutsisutut pasineqartunut ilaasut

-Naatsorsuutiginngilluinnakkamik tassanngaannaq taamak pisoqarnera soorunami tujorminarpoq, aammalu eqqarsaaterpassuit sarsuasutullusooq ittarput taamak pisoqarnerani, taamak inissisimavugut.

Nanortallip oqaluffiani ualimut tallimanut qinoqatigiinneq aallartissaaq.

-Nunaqqataasugut amerlanerpaajusugut immaqa taanna qilanaarisimassavarput. Tassa timikkut tarnikkullu aamma eqqissiallannermik aammalu nukissamik tunineqarnermik aamma taanna kinguneqartarpoq.

Mannarsi Semsen oqarpoq nangillunilu:

AAMMA ATUARUK Nanortalimmi politiit toqutsisoqarsimaneratut misissuisut

-Neriuppunga nunaqqatigiit tamarmiullutik qaangerluarumaaraat, taamalu oqareernittut ikioqatigiinneq tassani atuulluni qaangerluarneqassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq