Nanortalimmi pujortuleeraq politiit nakkutigilerpaat

Radioaviisimit oqaluunneqartut aallavigalugit angallat 36 fodsinik angissuseqartoq ikiaroornartumik usisaqartutut pasitsaanneqarsinnaavoq.

Kalaallit Nunaanni politiit qullersaqarfiannit angallammik 36 fodsitut angitigisumik nakkutiginninneq pillugu oqaaseqartoqarusunngilaq. Pujortuleeraq 36 fodsinik angissusilik Politiit Nanortalimmiit arfininngormat aallarupaat. Pisumullu atatillugu paasissutissiissutigineqartut annikipput.

Nanortalimmi eqqartuussivimmi politiit tigusaannik inatsit tunngaviusoq naapertorlugu arfininngormat sapaatiummallu killisiuisoqarnersoq pillugu oqaaseqartoqarumanngilaq.

Nanortalimmi Royal Arcticip sissami sullissisuisa politiit misissuinissaat pillugu ilisimatinneqanngillat, sissami sullissisut pujortuleeraq 36 fodsinik angissusilik pillugu politiinut nalunaarutiginnittuunatik. Pujortuleeqqamillu 36 fodsinik angissusilimmik politiit misissuinerat Politiinit aallartinneqarpoq, taakkuali ilisimasat suut aallavigalugit misissuinerlutik oqaaseqarusunngillat. Pujortuleeraq 36 fodsinik angissuseqartoq politiinit kiisalu politiit qimmiinit misissuiffigineqareerluni arfininngormat aallarunneqarpoq.

- Pisoq pillugu oqaaseqarumanngilagut, apeqqummullu ikiaroornartoq pillugu tigusaqarnerluta akissuteqarsinnaanngilagut, tamannalu ilumoornersoq ilumuunnginnersorluunniit oqaaseqarfinerusunngilarput, Kalaallit Nunaanni Politiit ittuat Morten Nielsen oqarpoq. Nakkutiginninnermullu tunngatillugu sapaatip akunnerata tulliani paasiniaaqqeqqusivoq.

Angallat 36 fodsinik angissuseqartoq kiap pigineraa Nanortalimmi talittarfimmi sullissisut ilisimanngilaat.

Ikiaroornartoq pillugu misissuisoqarnerani tuniniaasartut aqutsisuisa paasiniarneqarneri ajornakusoornerpaasartutut taaneqartarpoq, paasissutissallu politiinit pigineqartut saqqummiukkumaneqartaratik,

paasiniaaqqissaarnermut atatillugu ajornartorsiutinngorsinnaammat,

Nunattalu eqqartuussisuunera Søren Søndergaard Hansen nassuiaavoq.