Nanoq Svalbardimi imakkoorluni tuttunniartoq
Uumassusilerisut nannumik allaat imaatigut tuttunniartumik aatsaat siullerpaamik takusaqarput.
Siusinnerusukkut misissuinerit naapertorlugit nannut Svalbardimi tuttunut saassussineq ajoraluarput.
Svalbardimili ilisimatusartut nannumik arnaviamik siullermik nunakkut tuttunniartoq takuaat, tamatuma kingorna tuttu iterlammut qimaaniarluni nalunniarsarivoq.
Nannup tuttu imaatigut malersuinnarpaa, nannullu piniakkani iluatsittumik pisaraa.
Dailmail.com taama allaaserisaqarpoq.
Immiussaq uani isiginnaarsinnaavat, annerusumillu atuagaqarlutit.
Nannup tuttumik pisaqarneranik aatsaat siullerpaamik immiussisoqartoq, Pinngortitaq pillugu nunarsuaq tamakkerlugu suliniaqatigiiffiup, WWF-ip Kalaallit Nunaanni immikkooortortaqarfia Facebookikkut allappoq.
Nannut Svalbardimi maanna tuttunniartalerput. Nannut silap pissusiata allanngoriartorneranit immap sikoqannginnerulernera pissutigalugu nunamiinnerusariaqalerput, taamaalillutillu uumasunik allanik piniagassarsiortariaqarlutik, Kalaallit Nunaanni WWF Facebookikkut allappoq.