Nanook Roskilde Festivalimi tusarnaartitsissapput
Roskilde festevalertoqarnerani nipilersortartut erinarsortartut nunarsuarmi tusaamaneqarluarlutik nuannarineqartut ilaatigut Bob Dylan, The Cure aamma Robert Plant allarpassuillu aamma tusarnaartitsisapput.
Nipilersoqatigiit Nanook Islandimi novemberimi tusarnaartitsineranni Roskilde Festivalimi aaqqissuisunit
tusarnaarneqarsimapput, Nanook kunni nipilersortartoq Christian Elsner taama oqaluttuarpoq:
- Nanooq Islandimi nipilersoreerlutik Nuummut utermata, mail-ikkut allagarsipput Nanook Roskilde Festivalimut peqaarusunnersut, Elsner oqaluttuarpoq, -Soorunami tupaqaagut nuannaarsuaarlutalu upperinngikkaluarparput siullermik sunaaffa ilumoortoq, Christian Elsner oqarpoq.
Nanook Roskildemi ulloq 4 juli nipilersulerunik, kingullermik saqqummersitaminnik sisamanik atuiniarput.
Nanook Rosilde festivalimi tusarnaartitsinissaat pisortatigoortumik ullumi 28 februar tamanut nalunaarutigineqarpoq tamannalu nuannaarutigineqarpoq.
- Taavana taanna nuannaarnerput, Roskilde Festivalertoqarnerani tusarnaartitsinermi malugineqarumaarpoq, neriuppugut aamma kalaalerpassuit takkutissasut, erfalasulerlutik, tamanna nuannaarutigissavarput ulloq taanna, Christian Elsner taama oqarpoq.
