ASSIT Nannut qilalukkamik qernertamik pisaqartut

Issittumi umiarsuarmik takornariartitsisartut suleqatigiiffiannut AECO-mut ilaasortat miluumasunik imarmiunik takusaminnik Norgep Issittoq pillugu misissuisoqarfianut ukiuni arlalinni nalunaaruteqartarput. Takusallu ilagaat nannut marluk qilalukkamik qernertamik pisaqarsimasut.

AECO-mut ilaasortat umiarsuit takornariartaatit 15-20-t missaat atorlugit aasaanerani angallassisarput, umiarsuarnilu inuttat takornariallu tuusintillit issittumi uumasunik soqutigisaqartupilussuupput. Umiarsuarlutik takornariat takusaminnik soqutiginartunik amerlasoorpassuarnik ilisimatuunut ukiut tamaasa nalunaaruteqartarput.

Umiarsuarnut takornariartaatinut ilaasut katersugaat Norgep Issittoq pillugu misissuisoqarfiani issittoq pillugu immikkut ilisimasallit Kit Kovacsip, Christian Lydersenip Jon Aarsillu atorluartarpaat, piffissami Issittumi pissutsit sukkasuupilussuarmik allanngoriartornerisa nalaani miluumasut imarmiut pillugit ilisimasat annertusarniarlugit.

- Paasissutissat umiarsuit takornariartaatit suleqatigalugit katersorneqartartut sulinitsinnut pingaaruteqartupilussuupput, Kit Kovacs Norgep Issittoq pillugu misissuisoqarfianeersoq oqarpoq.

AAMMA ATUARUK DNA nannut apummi tumaanneersoq siullermeertumik ilisimatuunit immikkoortinneqarpoq

 

Issittumi miluumasut imarmiut ilisimasaqarfigineqarnerulersut

Umiarsuarnik takornariartaatinik angalasut ilisimatuullu suleqatigiinnerisigut, takusanik nalunaarsukkat ukiuni kingullerni amerleriarsimapput issittumilu miluumasut imarmiut siammarsimanerannut ingerlaartarfiilu pillugit ilisimasanik pitsaanerusunik aqqutissiuussisimallutik.

Paasissutissat AECO-mut ilaasortanit katersorneqartut ilaatigut aarrit uninngaarfigisartagaat pillugit kiisalu arfiviit qilalukkallu qaqortat Issittup ilaani tassani qanoq siaruaassimatiginerannut ilisimasanik nutaanik aamma kinguneqarput.

- Angalatitsisartut takusaminnik uatsinnut nalunaaruteqartarnerat taamaaliornermikkullu Svalbardimi uumasut pillugit ilisimasanerulernissatsinnut ikiuinerat qujamasuutigeqaarput, tamannami Issittumi «pisoqarfittut» taaneqarsinnaavoq, allannguutit sumiiffinnut allanut naleqqiullugit 2-4-riaammik sukkanerusumik pimmata, Kit Kovacs Norgep Issittoq pillugu misissuisoqarfianeersoq oqaluttuarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat