DNA nannut apummi tumaanneersoq siullermeertumik ilisimatuunit immikkoortinneqarpoq
Ilisimatuut suliffeqarfimmi DNA-mik immikkut suliaqartumi SPYGE-imeersut Svalbardimi upernaaq manna ilisimasassarsiornerminni aput tummaasssaq katersorpaat.
- Pissarsiarineqartut pissanganartorujussuupput, apummit nannut tummaassaannit DNA-mik siullerpaamik iluatsittumik pissarsivugut. Nannut DNA-vinik tamaallaat nassaanngilagut, aammali pusit naajallu DNA-vinik nassaarluta.
Ilisimatuut Pinngortitaq pillugu nunarsuaq tamakkerlugu suliniaqatigiiffimmeersut oqaluttuupaatigut, nannup DNA-vinik immikkoortitsiffigineqartoq, puisimik naajamillu pisaqaqqamisoq takuneqarsimasoq.
- Nannut angissusii alliartornerat aamma qanoq amerlatiginerat pillugu ilisimatuut paasissutissanik katersiniarneranni nannut akornusersorneqartarput.
DNAt nannut apummi tumaanneersut katersorlugit nalunaarsorneqarnerisigut nannut amerlassusaat ajornannginnerusumik ilisimaneqalertarput, ilisimatooq Arnaud Lyet oqarpoq.