Nannup qajarissamik angalaartut saassuppai
Qajarissamik angalaartut aappaa nannup 40 meterit angullugit tupermiit uniarpaa, saassunneqartup ikinngutaanit aallaaneqarluni toqunneqarnissami tungaanut.
Nannup saassussinera qajariartut tuperfianni Svalbardip avannamut kangiatungaani pivoq. NRK-mi allaaserisaq malillugu pisoq sakkortuvoq ulorianartorsiortoqarnanili.
- Nanoq tupermut iserpoq, qajariartorlu ataaseq tupermiit uniarlugu 40 meterit tikillugit ikinngutaanit aallaneqarnissami tungaanut, sysselmanni nittartakkamini taama allappoq.
Nannup saassussinerani saassunneqartoq, Sebastian Plur Nilssen, annikitsumik ajoquserpoq, sysselmannimilu politeeq Per Andreassen malillugu ajoqusernera annertunngilaq.
- Qaatusimavoq annikinnerusumillu ajoqusersimalluni, Per Andreassen nrk-mut oqarpoq.
Ukiut tamaasa Svalbardimi inuit nannullu imminut naaperiasaartarput, qaqutigoorluinnarporli nannumik naapitsinermi ajoqusertoqartarnera.
