Namminersorlutik Oqartussat Tusagassiiviat - maanna aamma facebookimi
Namminersorlutik Oqartussat Tusagassiiviata suliassaraa Naalakkersuisut suliaat pillugit, Namminersorlutik Oqartussani pisut pillugit avammut paasissutissiinissaq. Facebookimi quppernermik pilersitsinikkut atuartartup tusarnaartartullu Namminersorlutik Oqartussat pillugit pitsaanerpaamik ilisimatinneqarnissaat paasitinneqarnissaallu siunertarineqarpoq.
Tusagassiiviup suliai assigiinngitsut kiisalu tusagassiorfinnut nalunaarutit tamaasa nanoq.gl-ikkut saqqummersinneqartut facebookimi quppernermi nittarsaanneqartassapput.
Tusagassiivik Namminersorlutik Oqartussani Naalakkersuisut Siulittaasoqarfianni inissisimavoq, Naalakkersuisoqarfiillu allat avammut paasissutissiisarnikkut tusagassiuutinullu attaveqarnikkut aamma sullitaralugit. Pisunit assigiinngitsunik assilisattaaq quppernermut iliorarneqartassapput
Tusagassiiviup facebookimi quppernertaava alakkaruk:
