Naluttarfik Malik normu 12-nngorpoq

Danmarkimi naluttarfiit 40-it peqataaffigisaanik takinerpaamik nalunnermik ullumi unammisitsisoqarpoq.
Allattoq Jaaku Lyberth
oktobarip 04-at 2009 17:16

Nuummi naluttarfik Malik unamminermi peqataavoq, naluttartut 130-it peqataapput, taakkualu katillugit 237.600 meterinik takitigisumik nalupput. Taamaalilluni Nuummi naluttuarfik Malik Danmarkimi naluttarfiit tamarmik unamisitsineranni normu 12-nngorpoq.

Ukiup siuliani unammitsinermut sanilliullugu ukiormanna angusarissaarpugut, tanngassimaaqaangalu, Nuummi naluttarfiup Maliup pisortaa Kalle Tøtrup radioaviisimut oqarpoq. Nuummi naluttarfimmi Malik takinerpaamik nalunnguarluni unamminermi peqataasut utoqqanersaat 68-inik ukioqarpoq ateqarluni Anna Didriksen taanna 700 meterinik takitigisumik nalunnguarami. Nukarlersaat marlunnik affarmillu ukioqarpoq, ateqarluni Misu Nymand Senderovitz taanna nalunnguarami 150 meterinik nalunnguarpoq.

Takinerpaamik nalunnguartoq tassaavoq Christian Kjeldsen 16 kilometerinik 400 meterinillu takutigisumik nalunnguarami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq