Naluaat qaqugu suliffimmut uteqqissasut

Illorsuup oqua ima ajortigisimassappat, kingunereratarsinnaavaa akilersinnaannerussasoq illorsuarmik nutaamik sananissaq.

Tamannalu suli nalunartoq, Namminersorlutik Oqartussani sulisunik aallussinermi pisortamit Daniel Gottrupimit oqaatigineqarpoq.

Maannamut suli naluneqarallarpoq, Namminersorlutik Oqartussani sulisut 130-t missaaniittut qaqugu sullivimminnut uterlutik sulilersinnaassanersut. Misissuisut naatsorsuutigaat, poorskip kingorna paasineqarsinnaassasoq illup oqoqarnera qanoq ajortiginersoq.

Oqoqarnermik misissuinerup qanoq naleqarnissaa suli aamma naluneqarpoq, koruunilli milionit ataatsit tungaanut naleqarsinnaasoq Namminersorlutik Oqartussani Sulisunik aallussinermut pisortaq Daniel Gottrup oqarpoq.

Namminersorlutik Oqartussani sulisut 130-it missaaniittut ilaat, maanna angerlarsimaffimminnit sulipput.

- Iluatsitissaagut oquk peersinnaagutsigu, sumiiffianiit sukkasuumik akikitsumillu. Annilaanganartuali tassaavoq illorsuaq assut oqoqalersimappa, nutarterneqartariaqalerlunilu aningaasarpassuit atortariaqalersinnaammata.

Illorsuaq oquinnanngorsimappat  aningaasarpassuit atorlugit nutarterisoqartariaqalissappat, nalilersueqqittariaqassaaagut ilumut suna akilersinnaannerussanersoq. Aperisoqarsinnaanngussaaq: Illumik nutaamik sanalluni imaluunniit illu nutartertugu akilersinnaannerussava?
Namminersorluni Oqartussani sulisunik aallussinermut pisoqartaq Daniel Gottrup oqarpoq.