Naleraq Asiip isornartorsiutaanut akissuteqartoq
Asii Chemnitz Narup aviisimi Jyllands-Postenimi allaaserisamini allappoq, Kalaallit Nunaata namminiilivinissaanik anguniagaqarnera Partii Naleqqamit akerlilerneqartoq, Nuummi mittarfissap 2.000 meteritut imaluunniit 1.195 meteritut takussuseqassanersoq erseqqissumik partiimit isummerfigineqanngimmat.
Jens Napãtôk´ akissuteqarluni allappoq, Partii Naleraq mittarfiit pingasut suliarineqarnissaannut nangaassuteqarmat, Nuup avataani aamma inoqarmat taakkulu aamma puigorneqassanngilluinnarmata aaqqissuusseqqinnermi Nuuk, Ilulissat Qaqortorlu kisimik pineqanngimmata inuiaqatigiilli tamarmik ataatsimut isigineqassammata, Jens Napãtôk´ allappoq.
AAMMA ATUARUK Asiip Naalakkersuisut pakatsissutigigai
Partii Naleqqamiit aamma apeqquserneqarpoq, suliffeqarfinnit Namminersorlutik Oqartussanit ingerlanneqartunit sinneqartoorutit atorlugit mittarfiit suliarineqarnissaat isumatusarnerunersoq.
Mittarfiit suliarineqarnerat pitinnagu, inuiaqatigiinnut ajortunik qanoq kinguneqassanersoq mississorneqarnissaa partiimit piumasarineqarpoq.