Nakuusa e-bogimik meeqqanut saqqummersitsivoq
NAKUUSAmi aqutsisumit Arnavaraq Jørgensen atuakkat ilassilluarneqartut oqaatigineqarpoq.
NAKUUSA angajoqqaanit saaffigineqartarpoq, meeqqanut atuffassissutaasinnaasunik pissarserusullutik. Taamaattumillu massakkut atuakkat elektroniskiusumik saqqummersinneqarput, kikkut tamarmik atuakkanut periarfissaqarniassammata.
Atuakkani taakkunani marluusuni qulequtarineqarpoq toqqissisimaneq, aliikkusersuinerit saniatigut atuagaq siunnersuutinik aamma imaqarpoq. Atuakkallu atuareernerani meeqqat qanoq oqaloqatigisinnaanerinik aamma imaqarluni.
- Angajoqqaarpassuit kaammattorusuppavut meeqqaminnik atuffassikutsoornissaannik, taamaattumik iPadikkullu allaat aaginnariangorlugit saqqummersippavut. Nuanneqaaq angajoqqaarpassuit periusissanik ujartuimmata meeqqat qanoq misigissutsinik nuanniissinnaasunik paasitinnissaannik, taakkulu meeqqanut qanoq oqaluttuarineqarsinnaanerannik, minnerunngitsumillu meeqqap oqaluttaasianik, NAKUUSAmi aqutsisoq Arnavaraq Jørgensen oqarpoq.
NAKUUSA meeqqat pisinnaatitaaffiinut tunngasunik, meeqqanut 3-niit 6-t tungaannut ukiulinnut saaffiginnittumik siullerpaamik saqqummersitsivoq.
Atuakkat siunnersuutinik meeqqat sutinneqarsinnaanerinik aamma imaqarput, sammisassaaqqat atuakkami pisut juullerpaluttut aallaavigalugit suliarineqarsinnaasut.
NAKUUSA ukiuni kingullerni atortussanik assigiinngitsunik meeqqat pisinnaatitaaffiinut tunngasunik saqqummersitsisareerpoq.
Atuakkat linkiniittuni ataaniittuni aaneqarsinaapput:
Atuakkat kalaallisut:
Atuakkat qallunaatut: