Nakuusa Ilulissani ataatsimeersuartitsisoq
Meeqqat 33-t Ilulissani isumasioqatigiinnermi peqataalluartut, Nakuusami suliniummi aqutsisoq, Najaaraq Møller oqarpoq.
- Massakkumut ingerlalluartorujussuuvugut, tupinnaannartumik ingerlalluarpugut. Aamma inersimasut amerlariaratta maaniittut. Meeqqat pissuserissaarput, ingerlalluartorujussuuvugut, aamma malunnartorujussuarmik ullup aappassaannaa ingerlanerani alliallareerput, Najaaraq Møller oqarpoq.
AAMMA ATUARUK Nakuusa kinguaassiutitigut atornerluisarneq akiorniarlugu suliniummik saqqummersitsisoq
Meeqqat ataatsimeersuareerunik ilaatigut Peqqissutsimut naalakkersuisumut Avannaatalu Kommuniani borgmesterimut saqqummiussissapput
- Tassani tassa meeqqat peqqinnissaq inuunerissaarnerlu kommunerisaminni tassunga tunngasunik siunnersuutinik apuussisussaapput. Kisianni inuiaqatigiinnut tamanut, tassa Naalakkersuisoq taamaattumik qaaqquneqarpoq. Tassunga apuussissapput, Nakuusami suliamut aqutsisoq, Najaaraq Møller taama oqarpoq.
