Canada: Nakorsaq inuusuttoq nersornaaserneqassaaq
Canadami nunap inoqqaavinut maligassiuisunut nersornaasiuttagaq tuluttut taaguuteqartinneqartoq The Inspire Award isumassarsiullaqqissunut nersornaasiuttagaq nakorsamut inuusuttumut arnamut tunniunneqassaaq.
Allattoq Marianne Stenbæk, Montreal, Canada
decembarip 25-at 2017 17:33
Canadami nunap inoqqaavinut maligassiuisunut nersornaasiuttagaq tuluttut taaguuteqartinneqartoq The Inspire Award isumassarsiullaqqissunut nersornaasiuttagaq naggueqatigiinnut inunnut 13-nut Canadap inatsisartuinit nersornaammik tunineqassapput.
Nunavummioq 28-nik ukiulik Donna May Kimmaliardjuk nersornaammik tunineqartussat ilagaat.
Donnap meeraallunili nakorsanngornissani siunniussimavaa.
Ilinniarnerminilu uummatit passutissallugit soqutigisarilerpai. Naammassigamilu uummatit nakorsaatut pilattaasartutut ilinniaqqippoq.
Donna May Kimmaliardjuk taamaalilluni Canadami nunap inoqqaavini siullersaalluni uummatit nakorsaatut naammassivoq.
The Inspire Awardimik nersornaasiineq Winnipegimi pisortatigoortumik martsimi 2018-imi tunniunneqassaq.
